Ntoh ngơi nglôch lôch rơh pah kan, Thủ tướng Phạm Minh Chính rnê âk nkô nău lĕ rngôch, tŏng ăp bah n’gor n’hanh ăp nău tâm rgop răng dăng, na nê̆, tŏng ăp tâm di đah nău ngăn bâh nuĭh leo kan ăp n’gâng kan, ntŭk kan. Thủ tướng đă Tiền Giang an geh ƀư tĭng trong hăn, nău kơl bâh Đảng, Pháp luật bâh Ngih dak, mbơh tơih săk rnglăy nău nchrăp kan, ntrôl dăng ƀư tĭng pe nău mhe trong kan ƀư lôch lĕ nău dơi ăp nkô̆ mpŏng hun hao wăng sa rêh jêng bâh n’gor.

Thủ tướng nchŏng na nê̆ nău kan, trong kan tơm tâm let năp tay tâm nĕ lah na nê̆, n’gor an geh ngăch ndăn ntrŭnh nău nchrăp kan, leo kan mbơh tơih an tâm ban, răng dăng, geh săk rnglăy nău nchrăp kan n’gor Tiền Giang ta rơh năm 2021-2030, mpŏng uănh tât năm 2050, ƀư mbơh tơih, mbơh nti têh hvi tât ăp nuĭh ƀon lan tâm n’gor, njêng nău tâm ban tâm nău mbơh tơih.