Kêng măng nđaơ tĭng mông ta ntŭk, ta nkual ƀon têh Melbourne, Thủ tướng Phạm Minh Chính râng ƀư wơt na nê̆ ăp Kruanh mpôl râng Rƀŭn nchră yor Thủ tướng Australia Anthony Albanese ƀĭt joet.

Tĭng mông nar aơ 6/3 Thủ tướng Phạm Minh Chính mbra râng rơh rƀŭn lĕ rngôch bah Rƀŭn nchră n’hanh rơh rƀŭn jêt. Rƀŭn nchră gưl prêh khlay geh bah nar 4-6/3 lah bôk nău khlay tâm lĭch sử nsum bah Australia đah nkual. Bôk nău ƀư tâm ton bah Australia tâm nău n’hao kan ndrel đah nkual Nam Á. Nkô̆ nău khlay bah Rƀŭn nchră khlay rơh aơ lah nkah gĭt 50 năm tâm boh kan ndrel Australia-ASEAN n’hanh mbra rgum 4 nău khlay:

Tăch rgâl kruanh mhe hao, Trôk nar n’hanh Ŭnh nar kloh uĕh, n’hanh kan ndrel trong dak lêng. Ăp nău ƀư na nê̆ geh: Rƀŭn nchră CEO Doanh nghiệp mbra rgum ăp kruanh doanh nghiệp bah Australia n’hanh Đông Nam Á, ăp ding geh tât tâm ăp nău kan công nghiệp n’hanh ăp ngih pah kan chính phủ gay tâm nchră mpeh ăp trong n’hao tăch rgâl n’hanh ntuh kơl 2 ding; rƀŭn nchră ăp doanh nghiệp dah găp n’hanh jêt (SME); rƀŭn nchră Trôk nar n’hanh Ŭnh nar kloh uĕh; rƀŭn nchră kan ndrel trong dak lêng.

Uănh tât năm 2050, jêng du đêt ngih dak si mhe tâm ban lam ntŭr neh