Tâm kêng măng 8/11, Thủ tướng Chính phủ Phạm Minh Chính ndrel Thủ tướng Campuchia Thủ tướng dak Campuchia Samdech Techo Hun Sen râng rƀŭn ntrŭt ngăch ntuh kơl n’hanh tăch rgâl Việt Nam-Campuchia.

Rƀŭn ntrŭt ngăch Ntuh kơl n’hanh tăch rgâl Việt Nam-Campuchia

Ta rƀŭn 2 Thủ tướng răm rhơn saơ nău uĕh n’hanh hao kan ndrel ntuh kơl, tăch rgâl. Tât aƀaơ, prăk ntuh kơl dăn an Campuchia geh rlău 2,93 rmen đôlar. Campuchia mât dâk tal 2 tâm 78 dak n’hanh nkual neh geh ntuh kơl bah doanh nghiệp Việt Nam. Việt Nam mât tay ntŭk dâk ntuh kơl ASEAN n’hanh tâm tốp 5 dak ntuh kơl têh ngăn an Campuchia. Ntoh ngơi ta rƀŭn Thủ tướng Chính phủ Phạm Minh Chính uănh lah prêh ntŭk ntô ntuh kơl tăch rgâl bah Campuchia dôl dơi rgâl uĕh tă bah nău an Luật Ntuh kơl mhe n’hanh Luật Đặc khu kinh tế.

Ƀư ký ton kan ndrel ta rơh rƀŭn

Thủ tướng rnê dăn đă ăp nuĭh ntuh kơl, ăp doanh nghiệp Việt Nam n’hanh Campuchia rgum nuĭh, ntrôl ngăch nău ƀư tĭng ăp nău nchrăp ƀư ntuh kơl, đăp mpăn di ngăch, uĕh nâp; tĭng rjăp pháp luật 2 dak; nkre n’hao lĕ nău kan rêh jêng đah nsum mpôl, nta nău kan n’hanh nău geh đăp mpăn, mât njrăng ntŭk ntô gŭ âm n’hanh ƀư tĭng nău kơl kon nuĭh, rgop an hun hao, uĕh lăng bah 2 dak.