Ôi 14/5, ta Hà Nội, Thủ tướng Phạm Minh Chính rgum chră đah ăp doanh nghiệp Trung Quốc ntoh lư tâm nău hun hao wăng sa uĕh nđĭr, wăng sa mrô. Ntoh ngơi mbah rhơn kruanh 19 Tập đoàn têh bah Trung Quốc tâm nău hun hao uĕh nđĭr, wăng sa mrô n’hanh ăp đại biểu râng rgum nchră, Thủ tướng Chính phủ Phạm Minh Chính mĭn lah Đảng, Ngih dak Việt Nam uănh hun hao tâm boh dăch dêh đah Trung Quốc lah nău đă di, săch nău kan têh n’hanh an lor bôk năp tâm dĭng lĕ trong hăn tâm rnglăp bah dih bah Việt Nam.

An lah rgum chră lah du njuăt mbơh ƀư na nê̆ wât nsum gưl prêh bah 2 Đảng, 2 dak hun hao tâm boh kan ndrel lĕ rngôch Việt-Trung, rgop ndâk njêng Nsum mpôl tâm pă rgŏ năp Việt Nam-Trung Quốc geh nkô̆ nău khlay, Thủ tướng mpŏng ăp doanh nghiệp Trung Quốc mbra ndrel đah ăp N’gâng kan, nău kan Việt Nam tâm rgâl ngăn ngên, sŏng dăng, dăn đă ăp nău mĭn, nău ƀư mhe kan ndrel ngăn ngên an kan ndrel wăng sa, tăch rgâl, ntuh kơl nar lơ “ngăn ngên jru hvi lơn”.