Jêh rnôk tât Davos, Thuỵ Sỹ, Thủ tướng Chính phủ Phạm Minh Chính ndrel rđau kan gưl prêh Việt Nam hŏ tâm nchră ma ăp rmôt kan lam ntur neh mpeh nau tâm boh hun hao AI (nau blau njêng êng), công nghệ ôtô, chíp bán dẫn ndrel hệ sinh thái. Tâm rnôk tâm nchră, Thủ tướng đă ăp rmôt kan, ntŭk kan tăch rgâl ndâk ăp ntŭk ntĭm nti, ntŭk mĭn njêng ndrel hun hao, nkra, năl nâp chíp bán dẫn ta Ntŭk kan Rgâl nau mhe neh dak (NIC) ndrel ăp ntŭk kan ân geh tâm di bah Việt Nam;

N’hao nau tâm boh, jao nau kan, tâm kơl ntĭm nti nŭih blau nau kan prêh, ngăn lah nŭih mât kan, kỹ thuật, mĭn njêng khoa học tâm nau kan bán dẫn; Tâm rgop, rvăt ăp ndơ nkra geh nau dơi bah Việt Nam gay ma nkra, ƀư ăp chíp; Mĭn njêng nau dơi ndâk ngih máy ê nkra chíp ta Việt Nam. Thủ tướng lah rjăp, Việt Nam geh nau dơi, nau săk tam gay hun hao nau kan prêh, dŏng nau kan khoa học công nghệ ndrel rgâl blau mhe./.