Ta rơh vơt, bar ding tâm ban ŭch n’hao tay nău tâm mbơh kan gâl têh n’hanh ăp gâl kan, ăp n’gâng kan n’hanh ăp ntŭk; lah na nê̆ nău tâm mâp ƀa ƀơ đah ăp nuĭh leo kan 2 dak mbra ntop ndâk nsơm, n’hao nău tâm knơm chính trị n’hanh ntrôl kan lĕ rngôch tâm kơl kan đah 2 ding.

Tổng thống Marcos Jr. tâm ban ŭch đah nău dăn đă bâh Thủ tướng Phạm Minh Chính mpeh nău tâm kơl kan ta ăp trong kan hôm nha geh âk nău dơi kơt lah ntĭm nti, khoa học công nghệ, pâl nđaih, văn hóa, tâm nđur ƀon lan, tâm kơl ta ntŭk..Tâm mbơh mpeh ăp nău ta lam ntur neh n’hanh ta nkual, bar hê nuĭh leo kan rnê âk nău 2 dak way geh tâm rgop na nê̆ ta ăp rơh tâm mâp ta nkual n’hanh lam ntur neh kơt ASEAN, LHQ, APEC, ASEM; lah na nê̆ nău mât tâm rnglăp n’hanh nău kan ƀư ndranh bâh ASEAN, tâm ban du nuih n’hâm rdâk njêng du ntŭk rêh jêng ASEAN nâp dăng, tâm rnglăp n’hanh têh dăng.