Kêng măng 21/11, ta ntŭk kan Chính phủ, Thủ tướng Chính phủ Phạm Minh Chính vơt wa Marcin Czepelak, Tổng thư ký Ngih phat dôih kơl rjaih nau bah lam ntur neh (PCA) dôl geh rơh khâl ndrel pah kan ta Việt Nam. Tâm nar mâp, Thủ tướng Chính phủ Phạm Minh Chính lah rjăp, Việt Nam lah neh dak ŭch nau đăp mpăn, lah dak kan nsum geh nau dơi bah lam ntur neh, mro ŭch tât nau kan âk ding, ntô̆ n'hao nau dơi bah luật pháp lam ntur neh geh kơp dơn tâm Hiến chương Liên hiệp quốc.

Tâm nê geh nau kan mât đăp mpăn rklaih ăp nau tâm in pit bah lam ntur neh. Việt Nam dôl ndâk nau kan văng sa đăp mpăn êng, ƀư tơm, ndrel đah nau tâm rnglăp lam ntur neh ân tâm di, jru, săk tam, tâm nê geh nau tâm rnglăp mpeh luật pháp. Ndri ma, Thủ tướng ŭch nau tâm boh ân rjăp đah PCA tâm nau kơl nchră mbơh, tâm pă nau tă blau, tâm kơl rklaih ăp nau tâm tin pit tâm rnôk tâm rnglăp đah dak ba dih./.