Nar 05/7, ta Nhih pah kan Chính phủ, Thủ tướng Chính phủ Phạm Minh Chính hŏ wơt Groi Thủ tướng Chính phủ, Bộ trưởng Ngoại giao dak Cộng hoà Dân chủ Nhân dân Lào dôl khâl, pah kan ta Việt Nam.

 Ta rơh wơt, Thủ tướng Phạm Minh Chính rhơn rnê mpôl đại biểu Chính phủ Lào tât khâl pah kan ta Việt Nam n’hanh nsing nơm hăn khâl pah kan  mbra geh nău dơi uĕh lăng, rgop khlay tay tâm nău mô rlu n’hao dăng n’hanh rdâk nkah tâm boh tâm rnglăp têh kuâng, tâm rnglăp mha êng n’hanh tâm boh lam lĕ rnglôch Việt Nam – Lào; nkre dăn đă Bộ Ngoại giao bar dak tâm boh lhăt tay nchrăp an dŭt uĕh rhŏ dŏng an tâm khâl mpôl kan gưl têh let năp tay. Groi Thủ tướng, Bộ trưởng Ngoại giao Lào lah rjăp Đảng, Ngih dak n’hanh ƀon lan Lào mbra ndrel Đảng, Ngih dak n’hanh ƀon lan Việt Nam bun dăp n’hanh mât ndray tâm boh tâm rnglăp têh kuâng, tâm rnglăp mha êng n’hanh tâm boh lam  lĕ rngôch Việt Nam - Lào. Bah năp nê, groi Thủ tướng Chính phủ Trần Lưu Quang hŏ  tâm nchră đah Groi Thủ tướng Chính phủ, Bộ trưởng Ngoại giao Lào ndrel mpôl hăn pah kan tâm rgop âk n’gâng kan bah Chính phủ Lào.