Nar 24/7/2024, ta Văn phòng Chính phủ, Thủ tướng Chính phủ Phạm Minh Chính hŏ wơt mpôl ntơh măt gưl têh Đảng, Ngih dak Cu-ba tă bah Kruanh Quốc hội Esteban Lazo Hernandez leo hăn râng khĭt n’hanh râng nar wer lam dak Tổng Bí thư Nguyễn Phú Trọng.

Thủ tướng lah rjăp tay trong kan mô rgâl bah Việt Nam tâm  nău rdâk nkah n’hanh hun hao tâm boh oh nô mha êng, tâm rnglăp du nuih n’hâm, tâm rnglăp way ơm n’hanh tâm boh lam lĕ rngôch Việt Nam – Cu-ba; ŭch rŏng ndrel Đảng, Ngih dak, Chính phủ n’hanh ƀon lan Cu-ba ndrel mât ndray, bun dăp, ntik n’hao tâm boh ntĭt leo lor dơi âk rơh kơn kruanh rđău kan bar dak tâm nê geh Tổng Bí thư Nguyễn Phú Trọng âk suan rhal bun dăp. Thủ tướng lah rjăp Chính phủ Việt Nam way dâk bah meng, tâm rnglăp n’hanh ŭch kơl Chính phủ n’hanh ƀon lan Cu-ba, ntrŭt ntrôl hun hao tay n’hanh tâm pă nău tă ơm gĭt kan n’hanh tâm boh lam lĕ rngôch, nsĭt geh nău tam đah Cu-ba, lơn lah tâm ăp trong kan tăch rgâl, tuch tăm, ŭnh nar sĭt jêng tay n’hanh dak si dak  gle.