Kêng măng 30/9, Thủ tướng Phạm Minh Chính ƀư tơm nar rƀŭn Rnâng kan Chính phủ đah Rnâng kan rđau nau ndâk Bôk nau kan Ntŭk tơm prăk lam ntur neh ndrel nkuăl ta Việt Nam. Tâm nar rƀŭn, ăp ntoh măt lah rjăp, nau ndâk du ntŭk kan tơm prăk nkuăl ndrel lam ntur neh ta Việt Nam mra pơk du nhoat rgâl mhe mpeh nau dơi, nau rgum tay tu tơm, ntrŭt dăng nau ntrơn rgâl văng sa, leo Việt Nam râng tâm ntrong gung prêh lơn tâm nau kan văng sa lam ntur neh. Yơn lah, aơ lah nau mhe, jêr ndrel ân geh nau râng bah ăp N’gâng kan, ntŭk kan, n’gor geh tât.

Nau nchră tâm nar pah kan, Thủ tướng Phạm Minh Chính hŏ mbơh ăp nau khlay bah nau ndâk njêng Bôk nau kan. Nau kan ndâk bôk nau kan aơ lah ƀư rgâl ntrong kan bah Đảng, ndri ma ân geh nau tâm ndơn nơih lơn, ngăch săk tam lơn, nsing tâm nau dơi bah neh dak, nuih n’hâm nkre ƀư nkre pơk hvi, mô kâp duh ndal. Ân geh săch ăp nau kan tơm ngăn bah 3 nau kan tơm bah tơm prăk lam ntur neh, tâm di đah nau dơi lam ntur neh ndrel nau dơi ngăn bah Việt Nam geh nau dơi nau dơi ân kloh, ngăn./.