Tâm n’ha săm ƀŭt njoăl, Thủ tướng lah rjăp: Tết vay ơm Chol Chnam Thmay lah nau ueh ngăn bah rnoi Khmer, lah nau rƀŭn têh ngăn tâm năm, geh nau kkhlay ngăn, ndâk nrtơm ân năm mhe đah nau ŭch, nau mpŏng, ŭch ân nau ueh lăng, nau rêh hơm tăm, ueh lăng; kŏ lah rnôk ntoh nau ŭch rŏng đah u che yau ye. Di rnôk aơ, ntoh măt rđau Đảng ndrel Ngih dak, Thủ tướng njoăl nau tât kônh wa, đồng chí ndrel ăp nŭih rđau mpôl chroh bah rnoi Kmen nau ŭch rŏng, ôp khâl ueh lăng ndrel nau rhơn ueh lăng ngăn.

Đah rlau 1,3 rkeh nŭih, rnoi Khmer lah du gưl mô dơi geh nkhah bah nsum mpôl ăp rnoi Việt Nam, geh nau dơi khlay tâm nau kan ndâk njêng ndrel mât neh dak. Thủ tướng đă ăp gưl kan, ntŭk kan, n’gor nchrăp ueh ăp nau dơi ân kônh wa rnoi Khmer vơt Tết Chol Chnam Thmay năm 2024 tâm rnglăp, rhơn răm, ueh lăng, đăp mpăn, têm nkrem, tâm di đah nau rêh ueh, nau vay ơm, nau ueh ơm ueh lăng bah ăp rnoi mpôl./.