Ta rơh tâm mâp, Thủ tướng Chính phủ lah na nê̆, tâm rnôk ta nkual n’hanh lam ntur neh geh âk nău rgâl kơt aƀaơ, nău tâm rnglăp, tâm boh kan way ơm n’hanh tâ kơl lĕ rngôch đah 2 dak lah nău kan tơm khlăy gay ma 2 mpôl rnoi ndrel mât nău đăp mpăn, ueh lăng, n’hao nău rdâk njêng n’gâng kan wăng sa đăp mpăn kan êng 2 ding ndrel tâm rnglăp gay ma hun hao nâp nâl. Bar hê nuĭh leo kan uănh saơ nău tâm boh kan 2 ding Việt Nam- Campuchia geh hun hao tay dŭt ueh ta lĕ ăp ntrong kan. Nău tâm boh kan chính trị- nchră nău đah dak bah dih geh n’hao, mpơl bâh nău 2 ding way geh tâm mbơh kan, tâm mâp kan gưl têh. Tâm kơl mât rnă njrăng ngih dak- rnă njrăng đăp mpăn geh ƀư nău kan n’gâng tơm. Tâm kơl nău wăng sa lah nău ntoh ang đah rnoh prăk tăch rgâl 2 ding hao âk. Nău tâm kơl mpeh ntĭm nti văn hoá, pâl nđaih, tâm nđur ƀon lan geh mât kơl, ntrôl kan.