5 khay ba năp, nău wăng sa têh Việt Nam đăp mpăn, lạm phát lĕ geh mât njrăng, ăp nău kan têh dơi geh mât đăp mpăn, rnon nsum, rnon chính phủ, rnon dak bah dih tâm nău dơi njrăng, âk nău kan ta lam ntur neh geh mĭn kan n’hanh nchroh mbơh hun hao GDP bâh Việt Nam năm 2024 geh klâp ma rlău 6%.

Nău geh nglôch lôch rơh rƀŭn nchră, Thủ tướng Phạm Minh Chính lĕ mbơh rblang, uănh năl nău nkhêp, nău dơh nơih, nău jêr, nău ntul rlong n’hanh an lah, ăp nău jêr, ntul tlong âk lơn đah rơh nkhêp, nău dơh nơih, yơn nău nsrôih ƀư tĭng nău dơi mpeh nău pah kan hun hao wăng sa rêh jêng năm 2024. Thủ tướng đă ăp n’gâng kan, ăp ntŭk kan leo kan mât kơl prăk kaih an tâm di, leo kan ueh jăp, ngăch ndăn, tơm khlăy, nău kan di, nta dơh nơih an doanh nghiệp n’hanh nuĭh ƀon lan geh manh prăk, đah rnoh prăk kon thuk, nsrôih mbơh tơih ăp trong kan mât đăp mpăn rnoh khlăy ta ntŭk tăch rgâl, nchrăp pă rnoh ndơ âk tŏng ăp, mô an geh nău mô tŏng ndơ n’hanh ăp nău kan kơl an ƀon lan.