Ôi 23/5, Thủ tướng Phạm Minh Chính lĕ ƀư tơm rơh rƀŭn mpeh ntrôl ngăch ƀư nău nchrăp trong rse 500kV mạch 3 bah Quảng Trạch tât Phố Nối n’hanh nu nău đăp mpăn pă điện tâm rnôk dŏng âk năm 2024 n’hanh ăp năm bah kơi tay. Nău jêh ndơ̆ trong rse điện 500kv mạch 3 Phố Nối-Quảng Trạch an dŏng geh nkô̆ nău khlay.

Thủ tướng Chính phủ ntĭm rđău ăp n’gâng kan, nău kan, ƀon lan, ntŭk kan, cán bộ, kỹ sư, phung pah kan, nuĭh kan nsrôih lơn tay, dŭt n’hâm lơn tay, ntrôl ƀư nău nchrăp đăp mpăn ngăch, n’hao uĕh nâp, đăp mpăn, răk rao ntŭk ntô gŭ âm; đăp mpăn soan pah kan n’hanh nău geh bah ăp nuĭh tơm geh tât; đăp mpăn nău dơi, nău geh tâm di, di bah nuĭh ƀon lan ntŭk trong sre hăn rlău. Jao Groi Thủ tướng Chính phủ Trần Hồng Hà ntĭm rđău n’hanh jao tĭng nău kan na nê̆ an tĭng n’gâng kan, nău kan, ƀon lan, Thủ tướng Phạm Minh Chính đă ndâk njêng tay trong rse di ngăch n’hanh ƀư uănh nđôi, groi uănh, ntrŭt đă tĭng nar, tĭng pơh mpeh ngăch, đăp mpăn pơk điện, ndơ̆ an dŏng trong rse điện 500kv mạch 3 Phố Nối-Quảng Trạch bah năp lơ 30/6.