Nar 19/7, Thủ tướng Phạm Minh Chính ƀư tơm tâm nchră bah Rnâng kan Chính phủ mpeh rgâl mbrô đah Bộ trưởng, kruanh n’gâng kan n’hanh kruanh UBND n’gor, nkual ƀon têh mpeh Trung ương. Tĭng nău mbơh bah Bộ Thông tin n’hanh Truyền thông, rgâl mbrô dơi ntrôl dăng tĭng trong rƀŏng lam ƀon lan, lam  lĕ rngôch, geh nău dơi ngăn ngăn, nsrôih rgoptâm  nău hun hao wăng sa rêh jêng kon nuĭh bah neh dak. Wăng sa mbrô, nău rêh mbrô hun hao tay dăng, ndơ geh ƀư bah du đêt doanh nghiệp Việt Nam hun hao tay n’hanh tăch n’gluh lam ntŭr neh.

Lah n’glôch jêh tâm nchră, Thủ tướng Phạm Minh Chính nchih nkah, rnê âk  ăp nău nsrôih n’hanh nău dơi hŏ geh bah ăp n’gâng kan, ăp n’gor. Thủ tướng lah rjăp, aƀaơ mô “rlong” ƀư dơm ôh, ma ân “ndăn ngăch”, “đăt ndal” ndrel nuih n’hâm nsan hao dăng. Ntrôl dăng tâm ban ŭch dơn ngoăy nău gĭt êng n’hanh nău dâk kan bah nuĭh rđău đă rgâl mbrô, ntik n’hao dâk chŏl lor, dâk leo bôk năp; ntrôl dăng ƀư wat jêh trong tĭng, trong kơl, gay ntrŭt ntrôl rgâl mbrô, tâm di đah nău way dak bah dih; ntrŭt ntrôl hun hao wăng sa mbrô, nău rêh mbrô, nuĭh ƀon lan mbrô.