Nŭng nar 22/12, ta Ngih Chính phủ, Thủ tướng Chính phủ lĕ jao an Nău ntrŭnh đă Wa Lê Mạnh Hùng, Kruanh Hội đồng thành viên Tập đoàn Dầu khí Việt Nam (Petrovietnam) sĭt pah kan ta N’gâng kan Công thương n’hanh jao mât dơi ƀư Kruanh N’gâng kan Công thương. Ta năp nĕ, wa Lê Mạnh Hùng tă pah kan ta Văn phòng Chính phủ n’hanh ƀư âk nău kan kruanh tâm nău kan pring xăng.

Ta nău ƀư Kruanh Hội đồng thành viên petrovietnam, wa lĕ ndrel rmôt kruanh đăp mpăn ndâk ƀư, mkra âk nău nkân, ndơ̆ Tập đoàn hun hao têh dăng, râng jru lơn tâm trong khlay lam ntŭr neh. Thủ tướng mĭn lah jao nău kan khlay dơi ƀư Kruanh n’gâng kan ƀư nsing nơm, mpŏng kâp têh bah Đảng, Ngih dak đah êng wa Lê Mạnh Hùng, nkre lah đă rgâl mhe tay, hun hao têh dăng nău kan công thương, rgop tâm nău hun hao nsum bah neh dak tâm lvang mhe.