Ôi 29/3, Thủ tướng Chính phủ Phạm Minh Chính, Kruanh Ban rđău đă Ngih dak ăp ntŭk nchrăp kan tơm khlay gưl neh dak, rgum tơm n’gâng kan ntung trong nchuăn  rdeng ƀư tơm rơh hop tâl 10 bah Ban rđău đă. Tĭng Thủ tướng, aƀaơ, lam dak geh 34 trong nchrăp kan têh, 86 trong nchrăp kan ntrŭp gâl khlay gưl neh dak, rgum tơm n’gâng kan ntung trong nchuăn rdeng 46 n’gor, nkual ƀon têh mpeh Trung ương.

Tâm nê geh 5 trong nchrăp ƀư trong loih, 2 trong nchrăp ƀư tach ndeh păr, hôm ƀa ƀă lah ăp nău nchrăp ƀư trong ndeh, lơn âk lah trong cao tốc n’hanh ăp trong nduar wăr nkual Thủ đô Hà Nội, trong nduar nkual ƀon têh Hồ Chí Minh. Lôch 9 rơh hop, Ban rđău đă geh  tay âk nău tă ơm gĭt kan, ăp ndơ ƀư, trong nchrăp dơi an ƀư uĕh lơn. Thủ tướng đă nchŏng kloh 6 nkô̆ nău khlay lơn gay tĭng ƀư let năp tay, nê lah: nuih n’hâm dơn kan bah ăp n’gâng kan, ăp n’gor lah ân hao âk lơn, geh nău tam lơn; năn ngăch lơn; săk uĕh ăp ntŭk ƀư nâp uĕh lơn; nău uĕh măt uănh  công nghệ mhe lơn tâm di lơn đah nô nău ngăn geh. Tâl prăm lah ăp n’gor ân nkra nkô̆ nău geh tât đă ntrơn du; nkra uĕh ntŭk gŭ rêh, đăp mpăn an nuĭh ƀon lan./.