Mpeh nău mpŏng kan, nău kan, trong kan tơm tâm năm 2024 Thủ tướng lĕ mbơh rblang na nê̆ mpeh nău ta lam ntur neh n’hanh tâm dak, nkre lah nchŏng na nê̆,  năm 2024 lah năm hun hao, geh nău khlăy, ngăn đah nău ƀư tĭng nău dơi nău nchrăp kan 5 năm 2021-2025.

Thủ tướng an gĭt, nkô̆ mpŏng kan lĕ rngôch lah an lor gay ma n’hao hun hao ndrel đah mât nâp nău đăp mpăn wăng sa têh, mât njrăng lạm phát, mât đăp mpăn tâm ban têh bâh n’gâng kan wăng sa, nkre lah uănh khlăy tât nău mât đăp mpăn rnă njrăng nău rêh jêng, n’hao nău rêh an ƀon lan, ndâk nsơm, n’hao nău mât rnă njrăng, mât đăp mpăn lĕ ntŭk rêh jêng, ntrôl dăng nchră nău đah dak bah dih n’hanh lăp kan ndrel ta lam ntur neh, mât ueh ntŭk gŭ rêh an đăp mpăn n’hanh nta nău dơh nơih an hun hao neh dak. Nkô̆ mpŏng kan na nê̆ ta năm 2024 lah mât đăp mpăn ngăch hun hao lĕ rngôch ntil ndơ tâm dak geh tât 6-6,5%.