Nkhêp di râng Rƀŭn nchră ăp năm rơh tal 54 bah Rƀŭn wăng sa lam ntŭr neh ta Davos, Thụy Sĩ, Thủ tướng Phạm Minh Chính lĕ geh rơh mâp Tổng Giám đốc WTO-wa Okonjo-Iweala. Thủ tướng mĭn lah tâm nău rgm lăp lam ntŭr neh lah nsum n’hanh rgum lăp wăng sa lam ntŭr neh lah êng, Việt Nam uănh lah prêh nău kan ndrel, ntop kơl bah WTO.

Tổng Giám đốc WTO-wa Ngozi Okonjo-Iweala uănh lah Việt Nam lah du nău lôch uĕh mpeh nsan hun hao wăng sa-rêh jêng; uănh lah prêh kan ndrel bah WTO đah Việt Nam. Mpeh uănh mĭn bah Thủ tướng, Tổng Giám đốc WTO mbơh mhe rlău lĕ geh du mpôl way kan bah Ủy ban Châu Âu pah kan đah WTO, djăt nău rgop bah ăp dak dôl hun hao n’hanh WTO kuăl jă ntop kơl an gĭt. Tổng Giám đốc mbơh dŭt khay 2/2024 mbra geh rƀŭn nchră gưl kruanh n’gâng kan WTO mpeh hiệp định rak kloh uĕh ndơ sông sa n’hanh uănh năl srê-SPS n’hanh mpŏng Việt Nam dŭt n’hâm râng.