Bộ Nội vụ mhe n’gluh an dŏng trong nchrăp ƀư bôk nău kan Thủ tướng Chính phủ mâp  măt n’hanh tâm dâl nău đah druh ndăm năm 2024, nkhêp nkah ndray 93 năm Nar njêng Đoàn Thanh niên Cộng sản Hồ Chí Minh (26/3/1931 - 26/3/2024).

Đah nkô̆ “ntik n’hao nău khlay kan dâk hăn lor bah druh ndăm tâm  pah kan rgâl mbrô gưl neh dak”, rơh tâm dâl nău  na nê̆ bah Thủ tướng Phạm Minh Chính đah druh ndăm mbra ƀư tâm nar 25/3 wăr trong nchrăp, trong kơl dôl dŏng aƀaơ bah Ngih dak  đah rơh rgâl mbrô gưl  neh dak. Nău kan nkoch tât ăp trong kơl, tơm ndơ bah Ngih dak  tâm nău ntop kơl,  ntik n’hao nău khlay kan,  nău dơn kan bah druh ndăm tâm nău tĭng ƀư  ăp rnoh tât kan bah bôk nău kan rgâl mbrô gưl neh dak,  mpư rnê nău tât râng, nău n’groh an lĕ nău gĭt blău  bah druh ndăm  ntoh lư tâm nău hun hao wăng sa- rêh jêng kon nuĭh, rdâk njêng n’hanh mât njrăng neh dak. Nkre djăt, ăp nău dăn đă bah druh ndăm n’hanh trong rƀŏng nkra./.