Ta tâm nchră an ƀư nău dơn kan mât prăk kaih năm 2024 nar ntri (14/3), Thủ tướng Chính phủ Phạm Minh Chính nchŏng kloh ân grêt dăch trong rƀŏng rđău đă mpeh trong kan prăk  kaih, droh rklaih jêr jŏt ntrŭt ntrôl hun hao tĭng trong rƀŏng: prăm hŭch, prăm hao,  prăm đăt ndal.

Na nê̆ “5 hao” lah: N’hao nău  dơi tât n’hanh lăp prăk manh, lơn lah doanh nghiệp jê̆ n’hanh dah găp; n’hao suan dăng way ơm; săk  tam nău tâm di; n’hao săk tam prăk manh; n’hao dăng kan nsum ngân hàng, doanh nghiệp; n’hao nău dơi tam mât kan, ƀĭt juet; mbơh kloh rvah, deh prăk kon rgum, an manh n’hanh rdâng lơh an manh deh prăk kon âk; n’hao dăng groi nđôi, ôp uănh, njrăng n’gang rmoh rman, njrăng n’gang sa khâm tih djơh. “5 hŭch” lah: hŭch deh prăk  kon an manh; hŭch prăk huach rhŏ dŏng kan;  hŭch glêh siƀŭt; hŭch bah ir ƀư jêr  đek mân an nuĭh ƀon lan;  hŭch bah ir tih djơh, joi geh wăng sa mpôl tâm nău kan ngân hàng. “5 hao đăt ndal” geh: hao đăt ndal mpeh keh mbrô; hao đăt ndal mpeh rnoh âk rhŏ dŏng; hao đăt ndal mpeh săk blău tơm nuĭh kan; hao đăt ndal mpeh ndơ dŏng kan ngân hàng; hao đăt ndal mpeh rhŏ dŏng ƀư njêng, tăch rgâl, nta joi nău kan, joi geh trong rêh an nuĭh ƀon lan, rgop an hun hao./.