Kêng măng 4/12, Thủ tướng Phạm Minh Chính ndrel rmôt pah kan bah Chính phủ lĕ geh nar pah kan đah kruanh n’gor Bạc Liêu gay uănh lah săk rnglăy hun hao wăng sa rêh jêng năm 2022 n’hanh rƀŏng tâm năm tât; mkra nău dăn đă, ăp jêr jŏt, wăk kol gay ntop kơl Bạc Liêu mât uĕh lơn ăp nău geh, jâng nsan, hun hao ngăch, nâp nâl. Ntoh ngơi ta nar pah kan, Thủ tướng Phạm Minh Chính đă, n’gor Bạc Liêu mât jăp, mbơh ƀư săk rnglăy Nghị quyết Đại hội 13 bah Đảng; Nghị quyết Đại hội Đảng bộ N’gor. Ndrel đah nĕ Thủ tướng đă, uănh khlay trong kan dăp rgum gay mât uĕh ăp nău geh, jâng nsan, pơk luh ntŭk ntô hun hao mhe.

Thủ tướng ntoh ngơi ta nar pah kan đah n’gor Bạc Liêu

Ndăn jêh, mbơh an Thủ tướng Chính phủ uănh an n’hanh mbơh ƀư geh săk rnglăy Dăp rgum n’gor năm kan 2021-2030, uănh tât năm 2050. N’hao đăp mpăn mât njrăng bri dak-rnă njrăng, mât uĕh rnă njrăng, chính trị, đăp mpăn rêh jêng; tâm rgop rjăp đah dak băl đăp mpăn n’har bri, nta nơih n’hanh ntŭk ntô dơh hun hao wăng sa rêh jêng.