Kêng măng 24/11, Thủ tướng Chính phủ Phạm Minh Chính ƀư tơm Rƀŭn nchră trực tuyến lam dak mpeh mbơh nău kơl, đah bôk nău “Gĭt wât-nău ƀư-nuĭh kan”.

Lam ntŭk rƀŭn.

Ta rƀŭn nchră, ăp đại biểu lĕ djăt nău mbơh, n’hanh ndơ̆ an ăp nău rgop rblang, uănh lah jru mpeh săk rnglăy dơi geh, ăp nău hôm e, mô hŏ dơi ƀư n’hanh ăp jêr jŏt, wăk kol dôl mâp n’hanh dăn đă ăp trong mkra, trong nchrŏng, nău kan gay ƀư tĭng săk rnglăy trong kan mbơh nău kơl tâm năm tât.

Thủ tướng Chính phủ Phạm Minh Chính ntoh ngơi ta rƀŭn

Ntoh ngơi ta rƀŭn nchră, Thủ tướng Phạm Minh Chính đă, an tâm ban ŭch âk gĭt wât mpeh nkô̆ nău, nău tơm, uănh khlay, soan dăng bah trong kan mbơh nău kơl. Nău ndâk njêng, jêh trong ƀư, nău kơl mpeh mbơh nău kơl, lah nău kan khlay tâm ƀư tĭng mât uănh ngih dak bah ăp n’gâng kan, nău kan, ƀon lan. N’hao nău kan bah ăp gưl, ăp nău kan tâm trong kan mbơh nău kơl, ngăn lah nuĭh djôt bôk. Nchrăp ƀư uĕh trong kan mbơh nău kơl tâm nău kan mât uănh bah N’gâng kan, nău kan, ƀon lan.