Nkhêp di Tết way ơm Giáp Thìn 2024, ta Ngih Chính phủ, Thủ tướng Chính phủ Phạm Minh Chính n’hanh I ur ƀư tơm nar mâp măt, jă ngêt sa Mpôl tâm rnglăp nchră nău bah dih ta Việt Nam. Tâm rnôk mông nar răm m’ak, rnê rhơn, ntoh ngơi ta nar mâp măt, Thủ tướng Chính phủ Phạm Minh Chính an gĭt, nar 22/12/2023, bơi 2 rmen nuĭh ƀon lan ta lam ntŭr neh nău răm rnôk Đại hội đồng Liên hợp quốc lĕ mbơh an nghị quyết kơp dơn Tết Nguyên đán lah nar rlu lễ ăp năm bah Liên Hợp Quốc.

Aơ lah nău răm an bơi 2 rmen nuĭh ƀon lan tâm lam ntŭr neh. Nkhêp di rơh aơ, ndơn măt kruanh Đảng, Ngih dak n’hanh nuĭh ƀon lan Việt Nam, Thủ tướng lah uĕh ăp Đại sứ, Ntoh măt, Kruanh ntoh măt ăp rmôt kan lam ntŭr neh mpeh ăp nău rŏng ngăn ngên, nău kan ndrel săk rnglăy, ntop kơl khlay an Việt Nam tâm năm 2023 n’hanh lôch lĕ năm khay. Thủ tướng mpŏng n’hanh nsing nơm ăp Đại sứ, Ntoh măt, Kruanh ntoh măt ăp rmôt kan dak bah dih ta Việt Nam mât uĕh tay săk rnglăy boăt nthoi bah nơm, ndơ̆ tâm boh dăch dêh n’hanh kan ndrel đah ăp dak, ăp rmôt kan lam ntŭr neh đah Việt Nam nar lơ nâp nâl lơn, jru hvi, săk rnglăy lơn; yor du ntŭr neh đăp mpăn, dăch dêh, kan ndrel n’hanh hun hao nâp nâl.