Ôi 10/6, Thủ tướng Chính phủ Phạm Minh Chính ƀư tơm nar rƀŭn lôch du năm ƀư Bôk nau kan 06 mpeh nau hun hao nau dŏng nau kan mpeh năl rnoh nŭih, định danh ndrel năl điện tử. Mpeh nau ƀư bôk nau kan mrô 06 hŏ leo tât nau săk geh tam ngăn tâm nau kan mât, rđau ƀư bah ăp gưl kan, ntŭk kan, nkuăl ndrel kơl an hun hao văng sa, rêh jêng, pă mbơh nau geh ân ƀon lan, ntŭk kan.

Bôk nau kan mrô 06 hŏ ƀư nau ueh tâm nau leo trong tâm nau ntrơn rgâl mrô neh dak, rgâl mhe nau kan mât neh dak đah nau kan mrô, rgop nau ntrŭt dăng hun hao Chính phủ mrô, văng sa mrô, nau rêh mrô, công dân mrô. Thủ tướng đă rơh rƀŭn rgum nchră ăp nau kan ueh, geh nau mbơh ngăn mpeh nau ƀư nau kan, mbơh ăp nau tă dơi geh ƀư, ăp nau kol, nau ê dơi, ê nâp. Nkre nchŏng luh ăp nau kan ngăn, nau ntuh kơl hun hao ntŭk ntu mrô, ndâk nau kan mrô, hun hao nŭih kan mrô, đăp mpăn rnă njrăng mạng, đăp mpăn nau geh./.