VOV4.M’nông: Thủ tướng Chính phủ Phạm Minh Chính hŏ ƀư tơm nar rƀŭn trực tuyến đah 8 nkuăl Miền Trung-Tây Nguyên gay nchră nau rklaih nau khuch ndrel rhuăt nau blau tâm nau rdâng đah phŭt mrô 4. Ntoh nau tâm nar rƀŭn, Thủ tướng đă, ndal rklaih nau khuch jêh phŭt, rep kloh ntŭk ntu, trong hăn gay ma ngăch ndâk tay nau kan ndrel mât đăp mpăn trong hăn. Ndâk ntrong điện, ntŭk nkoch mbơh nau, dak dŏng gay ma đăp mpăn nau rêh bah ƀon lan.

Kơl an ƀon lan, ngăn lah ăp rnăk mâp nau jêr gay ma nkra tay ngih jêh rlâm, plôk chor, djơh sat, ndâk nkra ngăch ăp ntŭk geh khuch ngăn lah ngih săm ƀŭt, ngih dak si...gay đăp mpăn nau ueh ân kon se geh hăn nti tay, ntŭk khám săm ji ân ƀon lan. Ndâk ƀư nau tuch tăm yor mih dak lip lơh gay đăp mpăn ndơ sa, ndơ dŏng, đăp mpăn nau rêh ân nŭih ƀon lan tâm rơh tât./.

VOV/Nŭih rblang: H’Thi