Kêng măng 23/12, ta ngih Chính phủ, Thủ tướng Chính phủ Phạm Minh Chính ƀư tơm rơh rƀŭn Rnâng kan Chính phủ an rgop nău kơp uănh tay, dôh rklaih jêr jŏt an ăp nău nchrăp ƀư trong ndeh treng têh khlay. Nĕ lah ăp trong: trong ndeh treng Lào Cai-Hà Nội-Hải Phòng, trong ndeh treng hăn ngăch Bắc-Nam n’hanh ăp trong ndeh treng nkual têh ta Hà Nội, nkual ƀon têh Hồ Chí Minh.

Ntoh ngơi n’glôn jêh, Thủ tướng djôt dơn ăp n’gâng kan, nău kan, ƀon lan lĕ dŭt n’hâm lăp, mbơh ƀư âk nău kan khlay tâm năm 2025, ngăn lah nău nkra Luật Trong ndeh treng, lôch jêh trong ƀư, nău kơl ntrôl mbơh ƀư nău nchrăp kan. Thủ tướng đă N’gâng kan Khoa học n’hanh Công nghệ, N’gâng kan Xây dựng kơp uănh tay tâm di lam ntŭr neh, săch công nghệ tâm di an trong ndeh treng hăn ngăch, đăp mpăn săk rnglăy kỹ thuật, wăng sa, tâm rnglăp nchră nău.

Đah nău nchrăp ƀư Lào Cai-Hà Nội-Hải Phong, đă tĭng ngăch prăl, nsrôih jêh mbrơi ngăn khay 3/2026; nkre ntrôl ngăch ƀư lvang trong mŭr nkual ƀon têh ta Hà Nội, Nkual ƀon têh Hồ Chí Minh.