Nar 3/4, Thủ tướng Chính phủ Phạm Minh Chính ƀư tơm rơh hop Chính phủ way ăp khay khay 3/2024 n’hanh  Tâm nchră pơk sŏng dăng Chính phủ đah 63 n’gor gay uănh năl nô  nău wăng sa- rêh jêng kon nuĭh khay 3 n’hanh quý I/2024, n’gluh trong pah kan  khay 4 n’hanh Quý 2/2024.

Lôch rnôk djăt ăp nău rgop, n’glôch jêh rơh hop, Thủ tướng Phạm Minh Chính nchŏng kloh nău dơi hŏ geh,  ăp nău nchiăng khan păng đêt tâm nê lah kloh “5 ntil nău mô hŏ dơi ƀư” kơt: Suan mpet rđău đă mât bôk kan wăng sa têh, lơn lah hao khlay ndơ, deh prăk kon, rnoh khlay hôm  hao rnoh khlay pring kât hao, rnoh khlay ndơ sa, deh  prăk kon, rnoh khlay ndơ  ta ntŭk tăch rgâl lam ntŭr neh rgoh n’gơ dăng; rmoh rman ta ăp ntŭk tăch rgâl prăk  kaih, neh ntu lam ntŭr neh; trong rƀŏng roh đăp  mpăn chính trị, wăng sa, lam rêh jêng kon nuĭh ntop hao tay. Tâm let năp tay Thủ tướng đă, grêt dăch Nghị quyết Đại hội XIII bah Đảng, nău rđău kan bah Trung ương, Bộ Chính trị n’hanh kruanh rđău kan n’gâng tơm, trong nchrăp hun hao wăng sa  rêh jêng kon nuĭh năm 2021- 2030, ăp trong nchrăp 5 năm lvang năm 2021- 2025, ăp Nghị quyết, nău ntrŭnh bah Chính phủ, Thủ tướng Chính phủ. Mô plơ̆ rŭch bah năp jêr jŏt,  mât nâp han săk, rôih tĭng trong hŏ ndơ̆ luh đah nău nsrôih âk lơn, têh lơn, dâk kan lĕ n’hâm suan, geh nău tam lơn. Sŏk suan dăng nơm  ƀư jâng nsing tơm, trong nchrăp, têh jong, n’glêh an, suan dăng bah dih lah nău khlay, đăt ndal. Ntik nuih n’hâm tâm rnglăp, nsrôih ndôr êng, uănh jêr  jŏt, ntul rlong lah suan ntrôl nsrôih nsan hao. Rgum droh rklaih jêr jŏt,  ntrŭt ntrôl ƀư njêng tăch rrgâl, nta joi geh nău kan, trong gŭ rêh an ƀon  lan./.