Ôi 29/1, Thủ tướng Chính phủ Phạm Minh Chính ƀư tơm rơh hop Chính phủ way nkô̆ mpeh rdâk njêng pháp luật khay 1/2024. Rơh hop rgum tâm nchră đah 05 nkô̆, tâm nê geh 03 trong nchrăp Luật lah: Luật rgâl nkra, kơi ntop du đêt nkô̆ bah Luật Cảnh vệ; Luật njrăng, n’gang tăch nuĭh (rgâl nkra); Luật Công chứng (rgâl nkra) n’hanh 02 nău dăn đă rdâk njêng luật lah: Luật nsĭt geh wăng sa doanh nghiệp (rgâl nkra); Luật Thi hành án dân sự (rgâl nkra).

An lah rơh hop đah 05 nkô̆, lah ăp nkô̆ khlay, jêr, geh ring tam tât nău kan wăng sa- rêh jêng kon nuĭh jru hvi, Thủ tướng đă ăp nuĭh kan Chính phủ rgum bôk rngok; rgop nău găl di, rgum tâm nchră ăp nkô̆ nău khlay, hôm geh nău rgop êng êng ân tâm nchră, dăn nău rgop Chính phủ, đăp mpăn rnoh ngăch, săk tam bah rơh hop.  Lơn lah, Thủ tướng đă ăp nhih pah kan nkoch trêng nău lư  an rong âk lơn mông nar an pah kan nkoch trêng rdâk njêng pháp luật, nkoch trêng trong kơl, ntĭm nti nău blău an ƀon lan, lơn lah ndăn nău rgop rdâk njêng pháp luật bah ăp nuĭh geh tât ring tam, ăp nuĭh rnâng kan, nuĭh khoa học, nău tă ơm gĭt kan dak bah dih./.