Ôi ntri (25/3), ta nhih pah kan Chính phủ, Thủ tướng Chính phủ Phạm Minh Chính ƀư tơm rơh hop Chính phủ way nkô̆ mpeh rdâk njêng pháp luật khay 3 năm 2024 gay an nău rgop tâm 03 trong nchrăp luật, 01 du nău dăn đă Nghị quyết bah Quốc hội n’hanh 01 nău dăn đă rdâk njêng luật.

Ntơm bah bôk năm 2024, Chính phủ hŏ ƀư 02 rơh hop way nkô̆, mĭn uănh, an nău rgop đah 14 trong nchrăp luật, pháp lệnh, nghị quyết. Pah  kan rdâk njêng, n’gluh an dŏng pháp luật nar lơn  ma dơi ƀư ăp tŏng rêng, khoa học, way kan, rgâl mhe n’hanh geh nău tam lơn. Ndrel đah rdâk njêng ăp luật, ăp n’gâng kan, Thủ tướng đă ân rgum rdâk njêng ăp nghị định, thông tư gay ƀư jêng ngăn ngăn ăp luật. Tâm nê ân rgum rdâk njêng ăp nghị định, thông tư ƀư jêng ngăn ngăn luật mpeh neh ntu, jay gŭ, an manh tơm prăk, nsrôih ƀư lôch jêh tâm khay 5/2024 gay mbơh gưl geh nău dơi kan, ơm an dŏng ăp luật.Thủ tướng đă ta rơh hop dja, ăp nuĭh kan Chính phủ rgum bôk rngok, kơl nuih n’hâm rgâl mhe; mbơh rblang, rgop glêh, nkoch kloh, lăp sŏng tâm nkô̆ nău;  rgum  tâm  ôp mpeh ăp nkô̆ mhe, hôm kŏ kol, nău khlay, hôm rgop nău êng êng ân tâm nchră, an nău rgop Chính phủ, đăp mpăn rnoh khlay, săk tam bah rơh hop./.