3. Ôi 27/9, Thủ tướng Chính phủ Phạm Minh Chính ƀư tơm rơh hop pơk sŏng dăng đah 8 n'gor Miền Trung n'hanh Tây Nguyên mpeh pah kan rdâng lơh đah phŭt mbrô 4. Rđău đă ta rơh hop, Thủ tướng Chính phủ Phạm Minh Chính nkoch kloh, tĭng nău nchroh bah ăp nhih pah kan dơi kan, phŭt mbrô 4 tât krit  nji, ntô̆ dăng, tât ngăch. Lah nchrăp uĕh ri rnôk phŭt ntô̆ lăp tâm neh kơh đah rnoh dăng rlău nău nchroh ri hôm dơi mât đăp mpăn đŏng.

Ăp nar rlău aơ, ăp n'gor ntĭm nti bơi 58 rbăn duk mpan đah nklăp 300.000 nuĭh kan ntrơn, der; kât ndăl, ntrơn 4.500 gŭk tui ka; geh trong nchrăp n'hanh ƀư ntrơn du rlău 100.000 rnăk đah bơi 400.000 nuĭh ƀon lan ta ăp nkual geh ma nău tât khuch âk. Thủ tướng rnê nuih n'hâm bah ăp n'gor, nkual ƀon têh, ăp nuĭh kan tâm Ƀan rđău đă. Thủ tướng đă Ƀan rđău đă, ăp n'gâng kan, ăp n'gor mô dơi uănh lhơ, mô năn njrăng tâm ăp nău tât./.

VOV.VN

Nuĭh rblang: Điểu Thân