Kêng măng 16/11, Thủ tướng Chính phủ Phạm Minh Chính ƀư tơm rơh hop tâl 3, Ƀan rđău đă Ngih dak ăp bôk  nău kan tơm khlay gưl neh dak n'gâng kan ntung trong- nchuăn rdeng. Rơh hop dơi ƀư tĭng trong pơk sŏng dăng n'hanh mâp na nê̆ ta bôk ƀoh ta Nhih pah kan Chính phủ đah 33 n'gor, nkual ƀon têh mpeh Trung ương dôl geh ăp trong nchrăp ƀư ntung trong têh khlay.

Lah n'glôch jêh rơh hop, Thủ tướng Phạm Minh Chính lah rjăp nău an ƀư geh nău tam ăp trong nchrăp kan mbra rgop 3 đăt ndal ta Đại hội XIII bah Đảng, tâm nê geh đăt ndal mpeh ntung trong. Jêng, ăp n'gâng kan,  ăp n'gor ân rgâl mhe nău mĭn, trong tât nkra nkô̆ nău, rgâl trong ƀư, leo kan; trong tâm mbơh ngơi n'hanh đah nău kan, lah ân hăn ndrel đah ƀư, hŏ ton lah ân ƀư n'hanh tĭng ƀư geh nău tam. Ta rơh hop, Thủ tướng hŏ an nău rgop mpeh tĭng ntŭk nchrăp kan tơm khlay gưl neh dak n'hanh jao nău kan dŭt na nê̆ an tĭng n'gâng kan, ăp n'gor.

VOV/Nuĭh rblang: Điểu Thân