Ôi 2/1, Thủ tướng Phạm Minh Chính lĕ ƀư tơm Rơh rƀŭn tal 7 bah Ban Ntĭm rđău Chính phủ mpeh “n’glôch jêh nău ƀư tĭng Nghị quyết mrô 18-NQ/TW Trung ương khóa 12 mpeh rgâl mhe tay, dăp rmôt kan ƀĭt joet bah trong chính trị dơh ngăch, nău kan tam, săk rnglăy”. Ta rơh rƀŭn, Ban Ntĭm rđău rgum kơp uănh tay ăp nău kan bah Ban ntĭm rđău; tâm nĕ rgum tâm nchră n’hanh an rgop mpeh nău dôh rklaih ăp wăk kol an Đài TNVN (VOV) mkra ăp nău bah VTC bâh prăk khay, nău kơl đah nuĭh pah kan, mkra drăp ndơ n’hanh mkra rnon rnôk lôch nău kan bah Truyền hình VTC rgâl an nău kan geh tât mpeh Đài Truyền hình Việt Nam.

N’glôn jêh Rơh rƀŭn, Thủ tướng Chính phủ Phạm Minh Chính djôt dơn nuih n’hâm, lĕ đah nău kan âk bah ăp nuĭh Ban ntĭm rđău, ngăn lah N’gâng kan Nội vụ-Ngih pah kan rnâng kan Ban ntĭm rđău n’hanh Văn phòng Chính phủ; đă djăt nău rgop n’hanh djăt nău rgop tâm di bah ăp ngih pah kan, lôch jêh du dêt njoat ăp sam ƀŭt gay mbơh an Ban Ntĭm rđău Trung ương, N’gâng kan chính trị. Lah mpeh ăp nău bah VTC mkra ăp nău nuĭh kan, Thủ tướng ntĭm kloh, nuih n’hâm nsum lah m’hâm ƀư đăp mpăn nău ntrŭnh bah Đảng, pháp luật bah ngih dak, đăp mpăn nău dơi, nău geh tâm di an nuĭh pah kan.