VOV4.M'nông: Ôi 26/9, Thủ tướng Chính phủ Phạm Minh Chính ƀư tơm rơh tâm nchră pơk sŏng dăng lam dak mpeh ntrôl ngăch n'gluh tơm prăk ntuh kơl n'hanh tĭng ƀư 3 bôk nău kan gưl neh dak. (lah: rdâk njêng ƀon lan mhe, hun hao wăng sa- rêh jêng kon nuĭh nkual ƀon lan rnoi mpôl đê̆ n'hanh mpeh yôk yang, jut jăng ji ngot n'hŭch ach o jŏ jong).

Thủ tướng đă, ăp nuĭh râng tâm nchră n'gluh trong rƀŏng n'hanh nău kan na nê̆  ntơm bah aơ tât lĕ năm 2022 đăp mpăn tĭng ƀư geh nău dơi  tam, tâm di đah nău geh ngăn ngăn gay droh rklaih ngăch ăp nău kŏ kol tâm nău n'gluh tơm prăk ntuh kơl n'hanh tĭng  ƀư 3 bôk nău kan gưl neh dak. Ăp đại biểu ân tâm pă ăp trong ntĭt leo ƀư ŭeh, blău mhe, trong nkra tâm rnôk tĭng ƀư, rđău đă, uănh năl lôch jêh rhuăt luh nău tă ơm gĭt kan. Nkre n'hao têh nău dơn kan nuĭh mât bôk kan gay ntrŭt ntrôl n'gluh tơm prăk ntuh kơl n'hanh 3 bôk nău kan gưl neh dak./.

VOV.VN

Nuĭh rblang: Điểu Thân