Ôi 16/1 Thủ tướng Chính phủ  Phạm Minh Chính n’hanh I ur, ndrel mpôl ntơh măt gưl têh Việt Nam hŏ râng tâm nchră way ăp năm  tâl 54 rgum nchră wăng sa lam ntŭr neh ta Davos, Thụy Sĩ, khâl ngăn Hungary n’hanh Romania. Thủ tướng râng tâm nchră WEF Davos rơh dja geh nkô̆ khlay ta âk trong kan.

Nău kan ta aơ, nchrăp Thủ tướng mbra râng n’hanh geh nău lah ta ăp rơh tâm nchră khlay, tâm nê geh du đêt rơh tâm nchră an êng ma Việt Nam, ƀư tơm âk rơh rgum nchră đah kruanh ăp tập đoàn dâk bôk năp, mâp bar ding đah kruanh rđău kan ăp dak, ăp mpôl kan lam ntŭr neh n’hanh doanh nghiệp. aơ lah rnôk gay Việt Nam n’hao dăng tâm rgâl tâm boh đah Thụy Sỹ n’hanh ăp dak băl tâm boh, ăp mpôl kan dak bah dih, ƀư jru hvi lơn đŏng tâm boh ta âk trong kan, lơn lah mpeh wăng sa- tăch rgâl- ntuh kơl, an ƀư tay geh nău tam gung trong tâm boh dak bah dih bah Đại hội Đảng lam dak tâl 13. Thủ tướng Chính phủ Phạm Minh Chính mbra geh ăp rơh tâm nchră, ôp srĭng nău, tâm mâp, pah kan đah ăp kruanh rđău kan gưl têh bah Hungary n’hanh Romania.