Ôi 26/1, Thủ tướng Chính phủ Phạm Minh Chính tât khâl, ôp uănh pah kan nchrăp tâm  lơh n’hanh mbah rhơn Tết cán bộ, tahen Tổng cục II, Bộ Quốc phòng. Tâm bah ri aơ nơh n’hanh năm 2023, Thường vụ Đảng ủy, Kruanh Tổng cục II hŏ rđău đă ƀư lôch jêh uĕh nău kan mbơh gĭt nău lư, râng nsŏng kơl trong nchrăp têh jong n’hanh dâk kan tình báo; ngăch nsŏng kơl an kruanh rđău kan Đảng, Ngih dak, Quân ủy Trung ương, Bộ Quốc phòng n’gluh ăp trong n’glêh an di, mô geh an ndrât ndal mpeh trong nchrăp,  dơi kruanh rđău kan gưl têh n’hanh ăp n’gâng kan, ăp n’gor nchih nkah, uănh năl rnê âk.

 Lah đah cán bộ n’gâng tơm bah Tổng cục, Thủ tướng Phạm Minh Chính nchih nkah, rnê âk nău nsrôih n’hanh ăp nău dơi ma Tổng cục II hŏ dơi geh tâm bah ri  aơ nơh, mĭn  lah năm 2024 n’hanh let năp tay, nô nău lam ntŭr neh n’hanh nkual nchroh mbra tât duh jêr tay, mô gĭt năl lor, đă Tình báo Quốc phòng ân nchrăp âk lơn, uĕh lơn, nchrăp dơn n’hanh ƀư lôch jêh uĕh ăp nău dơn kan dơi Đảng, Ngih dak jao. Thủ tướng đă Tổng cục ân mât jăp rnoh ndơ kơl rĭng grep nchrăp tâm lơh, rhŏ  dŏng nău lư, mât đăp mpăn rnă njrăng; đăp mpăn uĕh nău rêh drăp ndơ, nuih n’hâm an tahen rnôk Tết Nguyên đán Giáp Thìn 2024.