Tâm rnôk hăn khâl ngăn Romani, kêng măng 21/1 (mông dak nê), Thủ tướng Chính phủ Phạm Minh Chính ndrel ur păng ndrel rmôt kan gưl prêh bah Việt Nam hŏ khâl, pah kan tâm ngih săm ƀŭt Đại học Xây dựng Bucharest, Romani. Đại học Xây dựng Bucharest (UTCB) lah ngih săm ƀŭt Đại học têh, geh bu rnơm ndrel êng du ntŭk tâm Romani rgum ăp ntil ân nau kan ntĭm nti nau blau ndâk njêng. Ntoh nau đah rđau kan ndrel ăp nŭih cán bộ, giáo sư, giảng viên ngih săm ƀŭt, Thủ tướng Chính phủ Phạm Minh Chính nkah tay bơi tât 75 năm nau tâm boh Việt Nam-Romani.

Lah rjăp, Việt Nam mro uănh khlay nau tâm boh vay ơm ndrel tâm boh ueh lăng đah Romani, ŭch tâm nau kan ntĭm nti, Ngih săm ƀŭt lŏ ƀư ueh nau kan lah du ntŭk ntĭm nti bôk năp bah Romani tâm nau ntrŭt dăng tâm boh mpeh nau kan ntĭm nti, mĭn nkra khoa học công nghệ, ngăn lah nau kan geh nau dăng bah Ngih săm ƀŭt ndrel ăp ntŭk kan ntĭm nti, dak kan nsum geh tât bah Việt Nam, rgop nau ntrŭt dăng lơn tay nau tâm boh kan nsum đah bar dak./.