Ôi 8/3 (mông ta ntŭk), ta Thủ đô Canberra, tâm rnôk  hăn khâl ngăn Australia, Thủ tướng Phạm Minh Chính khâl n’hanh pah kan ta Nhih pah kan gŭ mĭn Khoa học n’hanh Công nghiệp Mpôl têh ndrŏng nsum (CSIRO)

Lah ta rơh hăn pah kan, Thủ tướng Phạm Minh Chính ŭch rŏng tâm boh đah CSIRO ân geh “ndơ ƀư na nê̆” gay hôm an ƀư tay đŏng; nsing nơm ăp nău dơi  geh bar ding dôl gŭ mĭn lah dŭt uĕh lăng, ân ntik n’hao lơn đŏng. Thủ tướng nkoch mpeh nău uănh năl nău rŏng bah ƀon lan Australia đah Việt Nam, lơn lah ăp  nuĭh khoa học Australia dŭt nsing nơm, mpơl nuih n’hâm dơn kan âk nău dja ntoh bah nuih n’hâm tât nuih n’hâm bah măt uănh, tât nhŭp ti năl dơi nuih n’hâm ŭch rŏng bar dak hun hao. Nkhêp geh rnôk dja, Thủ tướng Phạm Minh Chính uănh saơ ndơ̆ siƀŭt nchih nkah đah Bộ trưởng Khoa học n’hanh Công nghệ Huỳnh Thành Đạt đah Tổng Giám đốc CSIRO Doug Hilton.