Kêng măng 22/5, ta ntŭk kan Chính phủ, Thủ tướng Chính phủ Phạm Minh Chính hŏ kuăl điện tâm nchră ma Thủ tướng Hà Lan Mark Rutte. Tâm rnôk tâm nchră, Thủ tướng Chính phủ Phạm Minh Chính lah rjăp nau ntrŭnh du ntrong bah Việt Nam mro uănh khlay nau tâm boh kan nsum ăp ntil đah Hà Lan. Bar ding tâm ban tâm rgop gay ntrŭt dăng nau tâm khâl gưl Ngih dak Việt Nam bah Kđăch ndrel i ur Hà Lan tâm rơh tât; lŏ ndăn ăp nau ueh bah rmôt ƀư nau kan tăch rgâl dah rŏng Việt Nam-EU (EVFTA).

Nsôih leo nau kan tăch rgâl bar ding geh 15 rmen đôla tâm rơh tât. Bar ding kŏ tâm nchră mpeh nau kan lam ntur neh ndrel nkuăl ndrel uănh khlay. Nau kan Biển Đông, 2 Thủ tướng lah rjăp nau khlay bah nau kan đăp mpăn, rnă njrăng, dah rŏng trong dak lêng ndrel rklaih nau đăp mpăn bah tâm rkeh nsing tâm luật pháp lam ntur neh, ngăn lah UNCLOS 1982./.