Ta lvang rơh bâh năm 2021 tât lĕ năm 2023 lam dak geh 499 nău nchrăp kan ƀư ngih jay ta ntŭk rêh jêng geh mbơh tơih đah rnoh 411.250 ngih jay. Mpeh nău nchrăp kan, pă nroh neh an hun hao ta ngih jay gŭ, lam dak aƀaơ lĕ nchrăp geh 1.316 nkual neh đah nău têh hvi 8.611ha ƀư ngih jay gŭ ta ntŭk rêh jêng, hao 5.252ha đah năm 2020.

Nglôch lôch rơh rƀŭn nchră, Thủ tướng Phạm Minh Chính lah na nê̆ hun hao ngih jay gŭ ta ntŭk rêh jêng, ngih jay gŭ nuĭh pah kan lah nkô̆ nău dŭt khlăy bâh ăp ntŭk rêh jêng hun hao wăng sa- rêh jêng. Hun hao ngih jay gŭ, tâm nĕ geh ngih jay gŭ an nuĭh naư geh đê̆, nuĭh kan lah nău kan kơl an bâh ngih dak, bâh ntŭk rêh jêng n’hanh bâh ƀon lan. Thủ tướng đă, n’gâng kan Công an, n’gâng kan mât njrăng ngih dak nsrôih tâm năm 2024, ăp n’gâng kan geh ƀư 5 rbăn ngih jay gŭ ta ntŭk rêh jêng; tổng liên đoàn lao động Việt Nam nsrôih tâm năm 2024 ƀư tĭng 2 rbăn ngih jay gŭ ta ntŭk rêh jêng.