Ntoh ngơi ta rơh rƀŭn nchră 6 khay dŭt năm, ndăn ƀư lôch nău ntrŭnh na nê̆ mpeh ƀư tĭng luật tâm rlong, nkhôm rnê năm 2022. Pă an n’gâng kan Tư pháp leo kan, tâm rgop đah n’gâng kan Nội vụ ntrŭt đă ăp ntŭk rdâk njêng, ntrŭnh ntĭm leo ƀư tĭng Luật tâm rlong, nkhôm rnê tĭng di nău ntrŭnh, nău dơi kan.

Thủ tướng đă n’gâng kan Nội vụ leo kan, tâm rgop đah ăp ntŭk kan geh tât an ƀư lôch, ndơ̆ an Thủ tướng chính phủ ntrŭnh Quyết định nău nchrăp kan leo ƀư Đại hội tâm rlong rŏng dak lam dak tal 11, mbơh ôp Thủ tướng Chính phủ, kruanh Hội đồng ntrŭnh leo tâm rlong njêng nău dơi rhơn đại hội đảng ăp gâl, mpŏng tât Đại hội đại biểu lam dak tal 14 bâh Đảng. Thủ tướng đă n’gâng kan Nội vụ, kruanh n’gâng kan mât uănh ntung trong tâm rgop đah ăp ntŭk kan, n’gâng kan, ntŭk kan geh tât ƀư rơh rgŏ jă n’hanh ƀư tĭng ueh rơh tâm rlong “500 nar măng nsrôih âk, kan lĕ nuih n’hâm, tâm rlong ƀư dơi ăp nău nchrăp ƀư trong têh”.