VOV4.M’nông-  Ôi nar 15/9, Thủ tướng Chính phủ Phạm Minh Chính leo rơh rƀŭn nchră ntrôl dăng nău kan rgâl mhe hành chính n’hanh ƀư ueh mhe trong kan leo kan, ntĭm đă kơl an ƀon lan, doanh nghiệp. Rơh rƀŭn nchră geh tâm mâp trực tuyến tât 63 n’gor, nkuăl ƀon têh lam dak.

Ntoh ngơi ta rơh rƀŭn nchră, Thủ tướng Phạm Minh chính lah na nê̆, rgâl mhe nău kan hành chính way geh Đảng, ngih dak uănh năl lah nău kan dŭt khlăy gay ma rdâk njêng, ƀư lôch ueh ngih dak pháp quyền xã hội chủ nghĩa kloh ueh, nâp dăng, săk rnglăy, yor ƀon lan kơl an, yor nău hun hao bâh neh dak. Thủ tướng lah na nê̆, bâh nău kơl an bâh lĕ trong kan chính trị n’hanh lĕ ƀon lan, he geh ăp njoat hăn khlăy ta trong  rgâl mhe hành chính, ngăn lah rgâl mhe nău kan hành chính, ndâk nsơm n’hanh rgum lĕ ăp rnoh nuĭh kan an hun hao neh dak, n’hao an săk rnglăy, geh nău săk tam tâm nău ntĭm leo pah kan bâh n’gâng kan ăp gâl. Yơn lah, ta meng ăp nău dơi geh lĕ geh, hôm nha geh ăp nău kŏ khan, mô hŏ dơi ƀư an geh ơm mbluh kan, rgum kan n’hanh dŏng an geh săk rnglăy ăp rnoh kan an ndâk nsơm, hun hao neh dak tâm rnôk aƀaơ.

Nuĭh rblang: Thị Đoắt