Ntoh ngơi ta rơh rƀŭn nchră, Thủ tướng Phạm Minh Chính an gĭt, mhe nơh, Chính phủ lĕ geh uănh năl nău rnoh hun hao GDP năm 2025 bâh 8,3-8,5% đah nău mĭn ŭch hun hao ngăch, hao âk yơn an geh nâp nâl, tâm nĕ hun hao khoa học công nghệ, rgâl mhe nău mĭn kan, rgâl mhe rnoh mbrô lah du trong kan khlăy. Thủ tướng đă uănh năl na nê̆ ăp nău kan n’hanh ndơ kan na nê̆ bâh ăp n’gâng kan, ntŭk kan tâm khay 7, ăp khay n’gul năm n’hanh ăp khay dŭt năm. Tâm nĕ, săch ăp trong kan mpeh ăp kan rdâk njêng rnoh mbrô, ngăn lah ndơ rnoh mbrô mpeh mât uănh neh ntu. Thủ tướng săch n’gâng kan tơm prăk lĕ geh pă dăp tŏng tơm prăk ngih dak mât đăp mpăn rnoh prăk n’hanh rnoh nuĭh kan ƀưu tĭng nău dơi bâh ăp bôk nău kan, nău nchrăp, trong kan, an geh ntuh kơl an tâm di, săk rnglăy, di nău kan tơm nău khlăy ngăn.