Ta rơh rƀŭn nchră, ăp nuĭh kan ndrel bâh Hội đồng uănh năl nău pah kan tâm rlong, nkhôm rnê n’hanh mbơh rblang na nê̆ nkô̆ nău, nău tă gĭt blău kan n’hanh ndơ̆ mbơh ăp nkô̆ mpŏng kan, trong kan năm 2024 gay ma rgâl mhe n’hao nău dơi pah kan tâm rlong, nkhôm rnê, ƀư lôch nău ntrŭnh pah kan bâh Hội đồng tĭng trong mbơh rblang na nê̆ nău kan, n’hao nău dơi kan bâh ăp nuĭh kan ndrel, n’hao nău dơi săk rnglăy, geh nău trĕ lam têh hvi, nău pah kan ryơk rnê tât nău ueh mhe n’hanh nkhôm rnê ngăch ndăn, kruanh dak, Thủ tướng chính phủ lĕ geh rlău 1.900 nău ntrŭnh nkhôm rnê an rlău 103.600 ntŭk kan n’hanh nuĭh kan geh nău dơi ntoh lư...

Ntoh ngơi ta rơh rƀun nchră Thủ tướng Phạm Minh Chính lah na nê̆, nkhôm rnê an di, ngăch ndăn n’hanh an geh mât uănh tât nău uănh nđôi, uănh năl, ntrŭt đă ƀư tĭng ăp nău kan tâm rlong, ngăch ndăn nkhôm rnê, der geh nău rgŏ jă nău kan an geh, geh ƀư tih, ntrôl dăng nău kan mbơh tơih, ngăch geh saơ, ntĭm nti n’hanh pơk hvi nău kan ntoh lư.