Kêng măng 17/1, ta Davos, Thuỵ Sỹ, Thủ tướng Chính phủ Phạm Minh Chính hŏ geh ăp rơh tâm mâp bar ding đah âk dak kan nsum khlay. Nê lah, Thủ tướng Campuchia, Thủ tướng Slovakia, Kruanh hội đồng quản trị rmôt kan nsum lam ntur neh mpeh Vaccine ndrel chuh n’gang, Tổng Giám đốc ntŭk kan mât nau blau njêng êng lam ntur neh, Tổng giám đốc ntŭk kan dak si lam ntur neh, Tổng Giám đốc ntŭk kan pah kan lam ntur neh...

Tâm rnôk mâp, Thủ tướng Campuchia Hun Manet, Bar rđau kan ŭch nthoi trong hăn đah bar dak mra n’hao lơ, tâm nê geh nthoi trong cao tốc, ngăn lah nthoi Phnôm Pênh đah nkuăl ƀon têh Hồ Chí Minh; tâm rgop đah Lào ntrŭt dăng rnoh kơl an pâl n’aih “Du ntrong kan pe ntŭk tât”, Kruanh n’gâng kan Văn háo bah 3 dak Campuchia, Lào, Việt Nam mra tâm mâp ndrel tâm nchră ngăn nau kan tâm boh văn hoá pâl n’aih. Bar ding kŏ pă nau rklaih nau kan bah nkuăl tâm 16% trong hăn nkuăl n’har bri ê jêh ndrel pă n’gâng n’har bri mra geh ntrŭt dăng tay./.