Kêng măng aơ 17/11, Thủ tướng Phạm Minh Chính n'hanh ăp Đại biểu Quốc hội mpeh Mpôl Đại biểu Quốc hội nkual ƀon têh Cần Thơ mâp cử tri. Cử tri ŭch rŏng n'hanh dăn đă Quốc hội, Chính phủ geh  tay ăp trong nkra gay ntik hvi ăp ntil uĕh, droh rklaih ăp jêr jŏt, kŏ kol aƀaơ kơt tâm nău rvăt dak si, ndơ dŏng kan dak si, ntuh kơl an nhih dak si tâm dâng.

Thủ tướng Phạm Minh Chính hŏ nkoch đah cử tri du đêt nău lư tơm mpeh lôch jêh geh wăng sa rêh jêng kon nuĭh 10 khay năm 2022, ƀư nô nău tâm dak, lam ntŭr neh aƀaơ, nkre an gĭt du đêt nău kan, trong nkra tơm ăp khay kêng dŭt năm 2022. Tĭng nê, Thủ tướng đă ăp gưl, ăp  n'gâng kan, ăp n'gor mô uănh lhơ rđău đă, lor nchrăp, ngăch ngăr, blău ƀư mhe, ndăn uĕh ăp trong dơh soih gay dâk hao tay ngăch, hun hao jŏ jong nâp dăng. An ƀư lor đăp mpăn wăng sa têh, mât kân hao khlay ndơ, đăp mpăn tâm ban geh bah jâng wăng sa- uănh aơ lah du nău kan rgum tơm, jăch ndăn aƀaơ.

VOV/Nuĭh rblang: Điểu Thân