Kêng măng ntri (28/12), Thủ tướng Phạm Minh Chính n’hanh mpôl đại biểu Quốc hội nkual ƀon têh Cần Thơ hŏ geh rơh mâp cử tri lôch Rơh hop tâl 10, Quốc hội khóa 15. Ta rơh mâp cử tri, Thủ tướng rnê nkual ƀon têh Cần Thơ n’hanh ăp n’gâng kan, ăp nhih pah kan hŏ an tĭng ƀư jăp nău rđău đă bah Thủ tướng đah aƀaơ rlău 2 khay (rnôk Thủ tướng hăn mâp cử tri Cần Thơ bah năp rơh hop tâl 10, Quốc hội khóa XV) mpeh nău ƀư lôch jêh ăp siƀŭt geh tât trong nchrăp kan ntuh kơl rdâk njêng nhih dak si Ung bướu Cần Thơ mhe, rgâl bah tơm prăk manh ODA an dŏng tơm prăk ntuh kơl ngih dak; nkre hŏ lôch ƀư jêh siƀŭt rvăt 2 máy xạ trị an Nhih dak si Ung bướu Cần Thơ aƀaơ.

Lah rjăp let năp tay rgum ƀư lôch jêh trong tĭng, ƀư trong tĭng "kol khan" jêng "dơh soih, tâm rlong neh dak" gay wăch rgum tơm ndơ tâm dak n’hanh dak bah dih, Thủ tướng an lah, lam trong kan chính trị nkual ƀon têh, nuĭh ƀon lan, doanh nghiệp ân râng, njêng suan dăng rgum yor "Tơm ndơ tât bah nău mĭn n’hanh trong uănh jong ngai, suan ntrôl tât bah nău rgâl mhe n’hanh blău ƀư njêng mhe, suan dăng tât bah ƀon lan n’hanh doanh nghiệp".