Ôi 19/3, ta Hà Nội, Thủ tướng Chính phủ Phạm Minh Chính ƀư tơm Rƀŭn nchră mâp nsum mpôl doanh nghiệp geh prăk ntuh kơl tă bah dak bah dih (FDI) n’hanh Rƀŭn nchră doanh nghiệp Việt Nam ăp năm 2024 (VBF 2024), đah bôk nău “Doanh nghiệp FDI hăn lor ƀư tĭng hao jêng uĕh nđĭr”.

Ntoh ngơi rgop nău ta nău ƀư, Thủ tướng Phạm Minh Chính lah rjăp, aƀaơ, Việt Nam dôl mât đăp mpăn wăng sa têh, uănh nđôi ntoh hao mhe, đăp mpăn rnon  nsum, dŏng tơm prăk, rnon dak bah dih, rnon Chính phủ tâm rnoh dơi an, đăp mpăn, ƀư tơm, uĕh lăng nâp nâl, đăp mpăn lam nău rêh jêng, đăp mpăn kon nuĭh, mât njrăng ntŭk ntô tâm ban dơi đăp mpăn; ntrôl dăng njrăng n’gang sa khâm sa ƀer; trong kan tâm rnglăp nchră nău dơi geh săk rnglăy uĕh. Năm tât, mpeh nău rƀŏng, Thủ tướng lah rjăp, nău rƀŏng têh; nsrôih tât năm 2030 (nkah gĭt 100 năm ndâk njêng Đảng) lah dak dôl hun hao, geh công nghiệp mhe, nău geh âk. Năm 2024 dơi năl lah năm hao ngăch, geh nkô̆ nău khlay tâm nău ƀư tĭng dơi Trong nchrăp 5 năm 2021-2025 n’hanh trong kan 10 năm 2021-2030, tâm nĕ, săk rnglăy năm 2024 an uĕh lơn năm 2025 kơt ntĭm rđău bah Tổng Bí thư Nguyễn Phú Trọng.