Nkhêp geh Đại lễ Phật đản Phật lịch 2568 - Dương lịch 2024, ôi 22/5, Thủ tướng Chính phủ Phạm Minh Chính hŏ tât mbah rhơn Kruanh rđău kan Trung ương Giáo hội Phật giáo Việt Nam n’hanh râng Đại lễ Phật đản đah ăp kruanh chroh, tăng ni, phật tử ta chùa Quán Sứ, Hà Nội.

Ntơh măt Kruanh rđău kan Đảng, Ngih dak, Thủ tướng Chính phủ Phạm Minh Chính njuăl nău tât chư tôn giáo phẩm Giáo hội Phật giáo Việt Nam, tăng ni, ƀon lan Phật tử tâm n’hanh bah dih dak, ndrel ăp nuĭh ntơh măt njuăl nău mbah rhơn dŭt uĕh lăng; mbah rhơn Đại lễ Phật đản Phật lịch 2568 - Dương lịch 2024 bah Giáo hội Phật giáo Việt Nam geh nău dơi ăp tŏng. Thủ tướng ŭch rŏng n’hanh nsing nơm, Giáo hội Phật giáo Việt Nam geh tay âk nău dơi tâm pah kan Phật sự; nău kan n’hanh hun hao tĭng trong rƀŏng “Nău way neh dak – Dơn kan- Tâm rnglăp- hun hao” ma Đại hội đại biểu Phật giáo lam dak tâl IX hŏ ƀư luh, ntĭm nti tăng ni, kon chroh Phật tử Phật giáo Việt Nam tĭng ƀư tay trong rƀŏng nău kan “Nău way kon chroh – Rnoi mpôl - Chủ nghĩa xã hội”, rgop âk lơn đŏng an pah kan rơh rdâk njêng n’hanh mât njrăng neh dak.