Ta nkual kahgĭt Đại tướng Võ Nguyên Giáp Thủ tướng chính phủ Phạm Minh Chính ndrel đah mpôl pah kan su nhang n’hanh geh bar pe mnĭt kŭnh bôk kahgĭt tât huêng ndrô Đại tướng Võ Nguyên Giáp n’hanh ăp tahen khĭt tâm lơh kăl e ta ntŭk tâm lơh Điện Biên Phủ.

Ntơ săk, nău blău leo kan tahen bâh Đại tướng Võ Nguyên Giáp- Tổng tư lệnh bâh rơh tâm lơh, nuĭh nô nôp rah bâh tahen ƀon lan Việt Nam, nuĭh kruanh tahen geh âk nău ntoch trêng,nuĭh blău leo kan tahen n’hanh nuĭh kon hoc gĭt blău bâh kruanh Hồ Chí Minh, nău tâm rgop kan, nău khĭt ji bâh Đại tướng Võ Nguyên Giáp n’hanh ăp tahen mbro mbrăng lăp tâm nău nkoch trêng têh lư khlăy bâh mpôl rnoi he, tahen he kơt lah du nău nkoch mô dơi roh chuêl. Lôch nĕ, Thủ tướng chính phủ Phạm Minh Chính ndrel đah mpôl pah kan lĕ tât khâl nkual di tích sở chỉ huy nău dơi kan Điện Biên Phủ, tât khâl, pă ndơ an 20 tahen Điện Biên n’hanh rnăk vâl dơi kơl ta xã Mường Phăng, xã Pá Khoang, nkuăl ƀon têh Điện Biên.